Ndakham kou bour ba soob defal ko ay mey,
Waaya lou war tchi jaam bii tchi lii, dou mooy na rey
La mey you rey waral tchi jaam bou khelou
Sante Boromam tiite tchi gnakk selle
La alagoone Iblissa may « Laiinaa »
Té moo alak fir’awna ak Khaarouunaa
Moom gnetti baate la tey wakhinou kou dameel
Man mii, wottoul ma fii, fi man, lii man la gneele
Wottoul ma ak kheebaaté ak gné aaté
Wottoul ma feute feuti, wottoul khaate khaati
Wottoul ma jeebaané, wottoul khiikhaané
La geuneu bone lii lepp mooy reetaané
Wottoul ma ak bangam tchi mer ba melni dof
Wottoul ma gnakh bamou jotoul donté di kaf
Boul khaqqataay di ré tcha kow bey khouyou
Melna kou sey, melna kounaane bay jaayou
Boul geudd mak, boul ko wakh itam fene nga
Wakhal neneene nou geuna nooy sakh joum nga
Lou té nga wakh seetaate ko ndeeme kouy weddi nga
Geumou ma lii doyna lou gnaaw tchi weddi ga
Wegoul té teye té jang wakh tchi mbooloo
Wakh mooy « balaans » gaa gnaa ko wakh té booloo
Dawal wéranté wottoul it weddenté
Boul di khoulo kat boul di kouy khouttanté,
Bou wakh baré di beug gnaaw jougal té wey
Té noppi noppiloo sa gnogne nga am woy
Jambar ja mooy ka not bakkane té wone mer
Dou mooy ka neurmélou ba mou khaatchoo bepp mbeur
Ba gneup beurgeul ko, ba gneup weg ko
Ba gneup teete ko, gneup daw waliss ko,
Kii moodi dof kii kouko seene dangeye daw
Moo khala retchu lamou sank tchik ndaw