Mooy jaam bi kham né bou méré sangam mer
Bou geureumé sangam geureum tchi bepp mbir
Yalla ko wakh « man youti ’irrassoula
Fa qad ataa ‘allaha ‘ilma qoula »
Kou topp bii Yonente tchiy wakh aki jeuf
Yaw yaay ka topp Yalla yaa am jeureujeuf
Jullil nu yaw Yalla tchi geune ji nooy joullé
Tchi moom akiy gnougnam, di kepp kouy joulli
Moo wakh té ay wakham Boromam neena
Lepp tchi ak wahyoom la, mooy « Yaassiina »
Kou teew di degg na jotal ka teewoul
Kookaate jotal keneene ka, moo ka teewal
Mou dellou gnaanal ak neuteukh waa jay tokhal
Té soppiwoul wakham ja, mouy fit gnouy yakhal
Gna teewone di guiss di degg di tokhal
Gnooy andandoo you woor ya gnooy gaaya sakhal
Tchi seene gannaw la topp seene jeekhite ya
Gna topp tchiy ngeuneele di seene baakhite ya
Gna topp gnoogna topp leene tchi sounna
Gnoognaate, gneneene gna topp leene « bil bayyina »
Loolee di wey, noonee di wey, di wey, di wey
Di wey, di wey ba sougnou tey, nay wey di wey
Foo mana dem wakham ja « wal qour-aani »
Gnooy leukkeuloo mouy firi « bil bayaani »
Na Yalla fey ko te feyite gaayam ya
Tchi gnoune la yelloo, mooy ka kham dayoom ya
Moom moo ni diiné moodi ak laabiré
Tchi wakh jou woor lou fegne la ak la biiré
Moo wakhitam kepp tchi yeene ab samm la
Té deessi laaj ab samm lagn ko sammloo
Lii moo waral ma jouk di laayé biiré
Njaboot gui, nguir seytaané laa di fiiré
Njeulbeenou gui laabiré mooy wakh key wolof
You leere, you woor, té doo tchi guiss louy nirou kaf
Dou saaw manine, dou louma miine tchi mbii mbir
Waaya wolof neena kou jakhlé dok wor
Moom wakh ji goudd gatt, nagn bayyi mana
Nagn yeewou té yeeté, nelaw yi yagg na